Қазақстан Республикасы Еңбек заңнамасының қағидаттарының бірі жұмыскердің өмірі мен денсаулығының басымдығы, сондай-ақ қауіпсіздік және гигиена талаптарына сай келетін еңбек жағдайларына құқықты қамтамасыз ету болып табылады. Осы қағидаттардың сақталуын қамтамасыз етуге арналған маңызды тетік қоғамдық бақылау болып табылады. Сонымен қатар, еңбекті қорғау саласындағы жұмысшылардың құқықтары мен мүдделерінің сақталуын қоғамдық бақылау әлеуметтік әріптестіктің маңызды бөлігі болып табылады.
2022 жылы Қазақстан Республикасы Кәсіподақтар федерациясы жариялаған «Әлеуметтік әріптестік жылын» өткізу аясында «Болат Нұржанов атындағы Екібастұз ГРЭС-1» ЖШС-де станция басшылығы кәсіпорынның техникалық инспекторларымен кездесті.
Кездесуге Бас директордың міндетін атқарушы Нұрлан Жаркенов және кәсіподақ төрағасы Татьяна Чигвинцева қатысты.
Станцияда еңбекті қорғау жөніндегі 17 техникалық инспектор жұмыс істейді, олар тәжірибелі, жауапты, өз әріптестерінің беделін пайдаланатын, кандидатураларын кәсіподақ комитеті ұсынған және еңбек қауіпсіздігі және еңбекті қорғау жөніндегі өндірістік кеңестің шешімімен бекітілген қызметкерлер болып табылады. Техникалық инспекторлар 2021 жылы 432 тексеру жүргізіп, 600 бұзушылықты анықтады. Барлық бұзушылықтар уақтылы жойылады. Бұл ретте еңбекті қорғау жөніндегі техникалық инспекторлар жүзеге асыратын тексерулердің нәтижелері, оның ішінде қызметкерлер тарапынан анықталған бұзушылықтар да тәртіптік жауаптылыққа тарту үшін негіздер ретінде пайдаланылмайды.
Әрине, барлық ескертулер тіркеледі, лауазымды тұлғаларға нұсқаулар беріледі және алдағы уақытта бұзушылықтарды болдырмау бойынша жұмыстар жүргізіледі. Бұзушылық жарақатқа әкеп соғуы мүмкін жағдайларда техникалық инспектор бұзушылық жойылғанға дейін жұмысты тоқтата тұруға құқылы. Алайда, қоғамдық бақылау кемшіліктерді анықтап қана қоймай, қауіпсіздіктің тиісті және үлгілі жағдайларына назар аударуды мақсат етеді.
Техникалық инспектордың жұмысындағы ең бастысы – қандай да бір бұзушылықты анықтау емес, тәуекелдерді жою, жұмысшыларға қауіпсіздік ережелерін бұзбауға қол жеткізу, жұмыс кезінде қауіп-қатерді айту және көрсету.
Барлық құрылымдық бөлімшелерде еңбекті қорғау жөніндегі техникалық инспекторлар еңбекті қорғау бойынша үлкен профилактикалық жұмыстар жүргізеді, еңбек қауіпсіздігі және еңбекті қорғау мәселелері жөніндегі білімді тексеру жөніндегі біліктілік комиссиясының отырысына қатысады, ТБ күнін өткізуге белсенді қатысады.
Осылайша, қоғамдық бақылау кәсіпорындағы еңбекті қорғауды басқару жүйесінің тиімділігін едәуір арттырады және өндірістік жарақаттанудың алдын алуда маңызды рөл атқарады, сондай-ақ кері байланысты қамтамасыз ететін жұмыс беруші мен жұмыскерлер арасындағы негізгі байланыстырушы буын болып табылады.
Техникалық инспекторлар өз жұмыстары туралы айтып, жұмыста туындаған қиындықтармен және табыстарымен бөлісті.
Н.Жаркенов еңбекті қорғау жөніндегі техникалық инспекторлардың әрбір жұмыс орнында қауіпсіз еңбек жағдайларын жасау және өндірістік жарақаттанудың алдын алу саласындағы жұмысын жоғары бағалады.