ҚР Парламентінің Мәжіліс депутаттары А.Бердалин мен Ғ.Елеуов, Ақтөбе облыстық филиалының атқарушы хатшысы Е.Данағұлов және облыстық кәсіподақтар орталығы бірлестігінің жетекшісі А.Әмірғалиев Қобда ауданында үш елді-мекен тұрғындарымен кездесті.
Көктемгі су тасқынының алдын алу мақсатында Ақтөбе облыстық төтенше жағдайлар департаментінің қызметкерлері, мамандандырылған 1, 2 және 4 өрт сөндіру бөлімі мен жедел құтқару жасағы аудан аумағында жұмыстар жасалынды. Бірлескен жұмыс нәтижесінде апаттың алдын алып, қауіп сейілді.
Қобда ауданына қарасты Жарық ауылының кіреберісіндегі көпірдің су деңгейі 1,5 м құрады. Судың жайылған ені шамамен 500 м қамтыды. Қазіргі таңда алдын алу шараларының арқасында қауіп сейіліп, жағдай тұрақтандырылды.
Ал, Егіндібұлақ ауылындағы көпірдің су деңгейі 2,5 м көтерілді. 3 сәуір күні сағат 8-30 шамасында көпірдің шеті құлау себебінен Егіндібұлақ ауылын екіге бөліп жатқан Батпақты өзенінің үстіндегі көпірді ауыл тұрғындары болып, яғни, 40 адам қатысып, 1000 қапшық құм салынып қалыпқа келтірілді. 4 сәуір күні кешкі сағат 7-30 да көпірдің шеті жасалынып, жеңіл көліктер жүре бастаған.
Екі ауылдағы жағдай да аудан әкімдігі мен төтенше жағдайлар жөніндегі департаменттің тікелей бақылауында. Тәулік бойы кезекшілік ұйымдастырылып, су деңгейі бақылауға алынған.