Павлодар облысы Аққулы ауданында Лебяжі мектебінің базасында Жамбыл мектебінің тарих мұғалімі Вахитов Ильдар Ильдусұлын еске алуға арналған баскетболдан облыстық турнир өтті.
Спорттық турнирге жеті команда қатысты. Турнир Аққулы ауданының білім беру ұйымдарының қызметкерлері, Павлодар облысының Білім және ғылым қызметкерлерінің кәсіподағы жанындағы облыстық жастар кеңесінің мүшелері, сыныптастары, достары мен ауылдастары арасында кәсіподақ ұйымының қолдауымен Ильдар Вахитовтың достары мен сыныптастарының бастамасымен өткізілді.
Турнирдің ашылуына ата-аналары, туыстары, жұбайы, Ильдар Вахитовтың ұлы, Павлодар облыстық білім және ғылым қызметкерлерінің кәсіподақ ұйымының бас маманы А.Арынова қатысты. Алма Файзрахманқызы өз сөзінде шығармашыл, дарынды ұл тәрбиелеп өсірген ата-анасына алғысын білдірді. Кәсіподақ ұйымының алғысы ретінде Ильдардың ата-анасына бас киімдері бар камзолдар сыйға тартылды.
Ильдар Ильдусұлы 2000-2011 жылдар аралығында өзі білім алған мектепте 2015 жылдан бері еңбек еткен, байқауға қатысушыларды қолдауға Жамбыл мектебінің ұжымы да келді.
Ильдар Вахитов 2015 жылы ИнЕУ-ді «Тарих» мамандығы бойынша бакалавр дәрежесімен бітірді. Ал 2018 жылы «Құқықтану» мамандығы бойынша құқықтану магистрі дәрежесін алады.
Әрбір адамның ең басты құндылығы – денсаулық, оны сақтауға спорт көмектеседі. Спорттық турнирде қатысушылар ойындарда ептілік, дәлдік, жылдамдық пен күштілік танытты. Командалардың көтеріңкі көңіл-күйін, достық атмосферасын атап өткен қазылар алқасы қорытындылап, қатысушыларды дипломдармен және сыйлықтармен марапаттады.
1-орынды Жамбыл мектебі командасы, 2-орынды Лебяжин мектебі командасы, 3-орынды Аққулы мектебі командасы иеленді.