Жыл сайын Халықаралық еңбек ұйымы жұмыс орындарында жазатайым оқиғалар мен аурулардың алдын алуға жәрдемдесу мақсатында 28 сәуір күні Дүниежүзілік еңбекті қорғау күнін өткізеді.
Пандемия кезінде әлеуметтік әріптестер еңбекті қорғаудың сенімді жүйесінің болуы қалыпты еңбек жағдайларын сақтауда және жұмысшылардың қауіпсіздігі мен денсаулығын қамтамасыз етуде маңызды рөл атқаратынына көз жеткізді. Биыл Дүниежүзілік еңбекті қорғау күні «Ортақ күш-жігермен еңбекті қорғаудың оң мәдениетін қалыптастыру» ұранымен өтуде. Ұранның басты тақырыбы – еңбекті қорғаудың оң мәдениетін қалыптастыру үшін әлеуметтік диалогтың және барлық мүдделі тараптардың тартылуының маңызы.
Халықаралық еңбек ұйымының бастамасын қолдай отырып, Жітіқара аудандық кітапхана жүйесі кәсіподақ комитетімен бірлесіп кітапхана қызметкерлері үшін «Өндірістегі жазатайым оқиға тәуекелін қалай төмендетуге болады?!» тақырыбында оқыту семинарын өткізді. Іс-шараға «Қостанай минералдары» АҚ өртке қарсы қызметінің командирі М.Тулубаев қатысты. Өрт-профилактикалық іс-шаралар кешені өткізілді, оның барысында өртке қарсы қызмет өкілі өртке қарсы қауіпсіздік ережелерін және алғашқы өрт сөндіру құралдарын пайдалану ережелері туралы айтып берді. «Өртке қарсы нұсқаулықтар – бұл ұйымдағы қауіпсіздік техникасы мен еңбекті қорғау ережелерін сақтаудың ажырамас бөлігі», – деп атап өтті М.Тулубаев.
Семинарда жұмыс орындарында жазатайым оқиғалар мен аурулардың алдын алуға жәрдемдесу бойынша маңызды мәселелер көтерілді. Семинарға қатысушылар басшылар мен кәсіподақ ұйымдары үшін мұндай іс-шаралар еңбекті қорғау жөніндегі көптеген процестерді ұйымдастыру үшін іс-әрекетке жақсы серпін екенін атап өтті.