Одақтар үйінде «Павлодар облысы Кәсіподақтар орталығы» АКБ «Қызмет» мемлекеттік, банк мекемелері мен қоғамдық қызмет көрсету қызметкерлерінің салалық кәсіподағы» ҚБ Павлодар облыстық филиалымен бірлесіп келісу комиссияларының 40 мүшесі үшін «Еңбек даулары, олардың пайда болу себептері. Еңбек дауын шешу тәртібі» оқыту семинары өтті.
Практикалық семинардың жұмысы екі бағытта құрылды: теориялық оқыту және интерактивті практикалық оқыту.
«Сұрақ-жауап» кіріспе кейс тапсырмасын орындай отырып, семинарға қатысушылар еңбек заңнамасы мен «Мемлекеттік қызмет туралы» ҚР Заңын жақсы білетіндіктерін көрсетті.
Оқытуда орталық орын еңбек дауларына бөлінді. Семинарға қатысушылар слайд материалы негізінде келісім комиссияларының жеке еңбек дауларын қарау тәртібін зерделеді, Қазақстан Республикасы Еңбек кодексінің 15-тарауын талқылады.
Татуластыру орталығының басшысы М.Иванова еңбек заңнамасы, келісу комиссияларының еңбек дауларын шешу тәртібі, еңбек дауларының алдын алу жолдары туралы мәселелерді түсіндіріп қана қоймай, сотқа дейін дауды шешу үшін келіссөздер жүргізу және медиацияны қолдану әдістемелерімен таныстырды.
«Қазақстан Республикасының кейбір заңнамалық актілеріне Еңбек даулары мен жанжалдарды шешу тәртібін оңайлату мәселелері бойынша өзгерістер мен толықтырулар енгізу туралы» ҚР Заңын зерделеуге ерекше назар аударылды.
Павлодар қалалық сотының судьясы А.Баймұхамбетова оқыту семинарына қатысушыларды еңбек қатынастарындағы қолданыстағы еңбек заңнамасының сөзсіз сақталуына назар аудара отырып, еңбек даулары бойынша сот практикасымен таныстырды, «Мемлекеттік қызмет туралы» Қазақстан Республикасы Заңының жекелеген ережелерінің қолданылуын түсіндірді.
Семинар соңында «Қызмет» мемлекеттік, банк мекемелері мен қоғамдық қызмет көрсету қызметкерлерінің салалық кәсіподағы» ҚБ Павлодар облыстық филиалының төрағасы Б.Капенов сертификаттар табыс етті.
Сапалы оқытуды өткізгені үшін қатысушылар семинар спикерлері мен ұйымдастырушыларына алғыстарын білдірді.