Қазақстан Республикасы Кәсіподақтар федерациясы «Әлеуметтік әріптестік. Жұмыс берушінің еңбеккерлер өкілдерімен өзара іс-қимылы. Еңбек кеңестерін өткізу, ұжымдық шартқа қосылу нысандарын қолдану тәжірибесі» тақырыбында кезекті білім марафонын ұйымдастырды. Оның алғашқы тыңдаушылары «Oil Construction Company» ЖШС-нің қызметкерлері, кәсіподақ көшбасшылары мен жұмыс берушілер болды.
Іс-шараға ҚРКФ Ұйымдастыру және бақылау жұмысы департаменті директорының орынбасары Ләззат Есжанова, «Маңғыстау облысының кәсіподақ орталығы» АКБ-нің төрағасы Сәдуақас Бекғалыев, «Қызылорда облысының кәсіподақ орталығы» АКБ-нің бас сарапшысы Майра Боранбаева және Маңғыстау облысының мемлекеттік еңбек инспекциясы басқармасының инспекторы Бауыржан Кемалов қатысты.
«Маңғыстау облысының кәсіподақтар орталығы» АКБ-нің төрағасы Сәдуақас Бекғалыев атап өткендей, марафонның мақсаты қатысушылардың ұжымдық еңбек дауларын шешудің нақты және дәйекті алгоритмін алуы және Қазақстан Республикасының еңбек заңнамасындағы білімдерін жақсарту болып табылады.
Жоба үйлестірушісі, ҚРКФ Ұйымдастыру және бақылау жұмысы департаменті директорының орынбасары Ләззат Есжанова семинар тақырыбы ең өзекті екенін, ол еңбек заңнамасындағы білімді жетілдіруде, еңбек ұжымдарындағы дауларды шешуде кәсіподақтарды қолдауға бағытталғанын атап өтті.
«Кәсіподақ қызметінің осы кезеңінде келісу комиссиясының жұмысын ұйымдастыру, тұлғалық дауларды шешу, жою, кәсіподақ активінің еңбек заңнамасындағы білімдерін арттыру қажет. Бүгінгі таңда Маңғыстау облысында еңбек дауларын шешу және өзге де мәселелер бойынша 7 инспектор жұмыс істейді. Барлық деңгейлерде біз кадрлардың апатты тапшылығы бар деген мәселені көтеріп жатырмыз, ал кәсіпорындардан келіп түскен өтініштер саны көп. Демек, өтініштерді уақтылы өңдемеу, бұл одан әрі ең ауыр мәселелерге, заңсыз ереуілдерге әкеледі. Негізгі талаптар лайықты еңбек жағдайлары, уақтылы және лайықты жалақы болып табылады. Жұмыс берушілер мен қызметкерлер тығыз қарым-қатынаста болуы, еңбек қатынастарын жетілдіруі, пәрменді ұжымдық шарттар жасасуы қажет», – деп атап өтті спикер.
Семинардың келесі лекторы «Қызылорда облысының кәсіподақтар орталығы» АКБ-нің бас сарапшысы Майра Боранбаева болды. Оның дәрісінің тақырыбы – «ҚР еңбек заңнамасын баптар бойынша түсіндіру. Еңбек шартын бұзу негіздері». Ол еңбек заңнамасындағы ең маңызды өзгерістер мен толықтыруларға егжей-тегжейлі тоқталды. Кездесуге қатысушылар заңнаманың баптары бойынша түсіндірулерге белсенді қатысып, оларды қызықтырған сұрақтарын қойды. Ақылы демалыс, еңбекті ұйымдастыру, жұмыс уақыты, жалақы, қызметкердің денсаулығын сақтау және басқа да көптеген мәселелер қарастырылды.
Соңында марафонға қатысушылар кездесуде еңбек заңнамасы саласындағы білімдерін кеңейтуге, сондай-ақ, ұжымдық еңбек дауын шешудің құқықтық технологиясын талдауға және Қазақстан Республикасының заңнамалық актілерімен жұмыс істеу дағдыларын жетілдіруге қол жеткізгендерін атап өтті. Семинар-тренингтің барлық қатысушыларына сертификаттар берілді.
Марафон барысында ҚРКФ өкілдері «Oil Construction Company» ЖШС басшысы Нұркен Таменовпен кездесті. Кездесу барысында сындарлы әңгіме өтті, жұмыс беруші мен қызметкерлер арасындағы өзара іс-қимылдың, оларды ҚР еңбек заңнамасының нормалары мен ережелеріне бірлесіп оқытудың маңыздылығы бойынша бірқатар мәселелер талқыланды. «Oil Services Company» ЖШС қызметкерлерінің кәсіподағы әлеуметтік әріптестермен бірлесіп қазіргі уақытта ұжымдық шартқа өзгерістер енгізуде, онда үстеме жұмыс сағаттарын төлеу, жыл соңында бонустар төлеу, сондай-ақ, жыл сайынғы демалысты 36 күнге дейін ұзарту туралы тармақтар енгізілетін болады.
Айта кетейік, білім марафоны аясында оқу семинарлары бір апта ішінде және облыстың басқа да кәсіпорындары мен ұйымдарында жалғасады.
