Мейірімділік, кәсібилік, адамгершілік – медицина қызметкерлерінің қызметі осы принциптерге негізделген. Кулманова Айшагүл Каирбекқызы – «Науырзым аудандық ауруханасы» коммуналдық мемлекеттік кәсіпорнының бас медбикесі.
Мейірімі мен жан жылуы, төзімділігі мен ісіне беріктігі арқылы науқастың кеселінен айығуына үлкен ықпал тигізетін жандар – мейірбике. Медбикелер – шеберлік пен білімді ұштастырған, жан-жақты, күтім процесіне толығымен жауапты, мейірімділік көрсететін жандар. Оның міндеті – адамдарды, отбасыларды, халықты психикалық, физикалық, әлеуметтік потенциалын жүзеге асыруға үйретіп, дағдыландыру. Бұрын медбикелерді мейірімділік әпкелері деп атағаны бекер емес.
Айшагүл Қаирбекқызы мамандыққа кездейсоқ келген жоқ. Бала кезінен бастап ол адамдарға міндетті түрде көмектесетінін шешті. Мектепті бітіргеннен кейін медициналық училищеге оқуға түсті. Еңбек жолын Науырзым аудандық орталық ауруханасында қан құю кабинетінің медбикесі болып бастаған. 10 жылдан аса клиникалық зертханашы болып жұмыс істеді.
Әріптестері ол туралы “Адамдарды және өз ісін жақсы көретін, пациенттерге және әріптестеріне, достарына, туыстарына көмекке келуге әр кез дайын” деп айтады.
Айшагүл Қаирбекқызы өз жұмысында өзінің кәсіби борышын мүлтіксіз орындау ережесін ұстанады. Үлкен кәсіби тәжірибесі бар, жас мамандар үшін тәлімгер бола отырып, бүкіл ұжымның құрметіне ие болды.
Жауапты лауазымына қарамастан Айшагүл Қаирбекқызы ұжымның қоғамдық өмірінде де белсенді. Ұзақ уақыт бойы кәсіподақ комитетінің төрағасы болды.
Көп жылғы еңбегі үшін бірнеше рет Алғыс хаттармен, грамоталармен марапатталды, 2021 жылы денсаулық сақтау министрлігінің грамотасымен марапатталды.