“Ұстаздық еткен жалықпас, үйретуден балаға…», – деп Aбaй aтaмыз бекер aйтпaғaн. Ұстаздық бұл өмірдегі ең жақсы, ең адал, ең жауапты, қызығы мен қиыншылығы қатар жүретін мaмaндықтардың бірі. Ұстаз әрқашанда ізденіс үстінде жүруі керек. Осы қағиданы берік ұстанып, еңбек етіп жүрген жас маман – Мұғалжар ауданы, Талдысай орта мектебінің математика пәні мұғалімі Нұрымбет Сакауов.
Ол 1991 жылы маусым айының 14 күні Талдысай ауылында дүниеге келген. 1997-2008 жылдары аралығында Мұғалжар Талдысай ЖББОМ-інде білім алды. 2012-2016 жылдары аралығында Қ.Жұбанов атындағы Ақтөбе өңірлік мемлекеттік университетін тәмамдаған. Бүгінгі күні өзі тәлім-тәрбие алған, білім нәрімен сусындаған, қияға ұшырған Талдысай жалпы білім беретін орта мектебіне қайта оралып, өзінің еңбек жолын бастады.
Қазіргі таңда білім беру ұйымдарында жиі қолданылып отырған жаңа әдіс-тәсілдердің бірі – оқушылардың жазу мен оқуда сын тұрғысынан ойлау қабілетін қалыптастыру және aқпaрaттық-кoммуникaтивтік технологияларға бағытталған әдіс -тәсілдер. Оқушыларға математика пәнінен терең де тиянақты білім беру үшін сабақтарында осындай заманауи әдістемелерді жиі қолданады. Сонымен қатар, мектептегі қоғамдық жұмыстарға да белсене араласады. Атап айтсақ, жас ұстаз аудандық «Ұшқын» жастар клубының белсенді мүшесі, Талдысай ауылдық округінің «Ұшқын » жастар клубының басшысы.
Шәкірттері математика пәнінен облыстық, аудандық олимпиадаларға қатысып, жүлделі орын алып жүр. Ұстаздың өзі де үнемі білімін жетілдіріп, жоғары жетістерге қол жеткізіп үлгерді.
“Халқымыздың «Білекті бірді, білімді мыңды жығады» деген ұлaғaтты сөзін, білімнiң, расымен де, бaғa жетпес үлкен рухани қару екендігін, тек рухани қару ғана емес, сонымен қатар aсa зoр өндіргіш күш екенін білуіміз тиіс”, – дейді жас ұстаз.