Құрметті отандастар, қадірлі әріптестер!
Сіздерде еліміздің ең қастерлі мерекелерінің бірі – Қазақстан Республикасының Тәуелсіздік күнімен шын жүректен құттықтаймын!
Тәуелсіздік – халқымыздың сан ғасырлық арман-тілегінің жемісі, бабалардың рухымен өрілген еркіндік жолының тарихи жалғасы. Бұл күн бізге азаттықтың бағасын ұғындырып, ұлт ретінде ұйысып, мемлекет ретінде қалыптасуымыздың бастауы болған кезеңді еске салады. Тәуелсіздіктің әрбір жылы еліміздің дамуына жаңа серпін беріп, Қазақстанды әлемдік аренада өз орны бар қуатты мемлекетке айналдырды.
Бүгінде біз татулық пен келісімді сақтаған, еңбек адамының мәртебесін биіктеткен, әлеуметтік әділдік қағидатын берік ұстанған елміз. Осы жолда Кәсіподақтар федерациясы қоғамдағы тұрақтылықтың, еңбек адамын қорғаудың және жұмыскерлер құқықтарын дамытудағы маңызды институт ретінде өз миссиясын жалғастырып келеді.
Еңбек нарығы өзгеріп, жаңа технологиялар өмірімізге енген заманда кәсіподақтардың рөлі бұрынғыдан да маңызды болып отыр. Біз жұмыс берушілер мен қызметкерлер арасындағы ынтымақтастықты дамытып, қоғамдағы сенім мен өзара құрметке негізделген қатынастарды нығайтуға күш саламыз. Бұл бағыттағы бірлескен жұмысымыз елдің өркендеуіне, әр отбасының әл-ауқатының артуына қызмет етеді.
Тәуелсіздік – тек тарихи мұра ғана емес, ол бізге үлкен жауапкершілік те жүктейді. Біз әрбір азаматтың адал еңбегін бағалап, оның еңбегінің ел дамуына қосқан үлесін жоғары бағалаймыз. Өйткені тәуелсіздіктің шынайы құндылығы – біздің бірлігімізде, өзара сенімімізде, еңбекте және тыныш өмірде жатыр.
Осы мерейлі мерекеде баршаңызға мықты денсаулық, бейбітшілік, шаттық пен амандық тілеймін. Отбасыңызға бақ-береке, жүректеріңізге жылу мен қуаныш нұр жаусын.
Еліміздегі тыныштық пен тұрақтылық мәңгі болсын, әр қадамымыз берекелі, еңбегіміз жемісті болсын! Тәуелсіз Қазақстанның болашағын бірге жарқыратып, елдігімізді нығайта берейік!
Құрметпен,
ҚР Кәсіподақтар федерациясының төрағасы
Сатыбалды Дәулеталин