Кәсіподақтар федерациясында «COVID 19» дағдарыстық жағдайдан шығуда кәсіподақтардың әлеуетін күшейту бойынша ҚРКФ-ның орта мерзімді стратегиясы» тақырыбындағы жобаның онлайн-презентациясы өтті. Бұл жобаны Кәсіподақтар федерациясы ХЕҰ қолдауымен жүзеге асырды.
Стратегияны әзірлеушілер – ұлттық сарапшы Динара Айтжанова мен халықаралық сарапшы Дорин Суручану пандемия кезіндегі кәсіподақ жұмысын бағалауға және қалпына келтіру кезеңіндегі кәсіподақ ұйымдарының мүмкіндіктеріне тоқталды.
ҚРКФ төрағасы Сатыбалды Дәулеталин қатысушыларға арнаған сөзінде халықаралық ынтымақтастықты нығайтуды Кәсіподақтар федерациясының басым міндеті деп атады және жүргізіліп жатқан жұмыстарға қолдау көрсеткені үшін Халықаралық еңбек ұйымына ризашылығын білдірді.
«Біз ХЕҰ ұйымдастыратын іс-шараларға белсенді қатысамыз. 2021 жылдың бірінші жартыжылдығында ғана 53 өкіл 8 онлайн режимдегі іс-шараларға, соның ішінде еңбек саласындағы маңызды халықаралық іс-шараларға қатысты. ХЕҰ-мен келісім негізінде бірқатар бірлескен іс-шаралар белгіленді. Біз қазірдің өзінде екі жобаны аяқтадық, бейресми жұмыспен қамту жобалары және тау-кен металлургия кешеніндегі салалық ынтымақтастықты нығайту туралы презентациялар оң нәтиже берді және зерттеу нәтижелерін тек кәсіподақтар ғана емес, сонымен қатар мемлекеттік және басқа да мүдделі ұйымдар қабылдады», – деді Сатыбалды Дәулеталин.
Жаңа зерттеу туралы айта отырып, ҚРКФ төрағасы COVID-19 нәтижесінде туындаған экономикалық жағдайдың аясында оның өзектілігін атап өтті.
«Федерация коронавирустық дағдарысты сапалы және инклюзивті еңбек және әлеуметтік бағдарламаларға өз үлесін қосу үшін үрейлі белгі деп қарастырады. Федерация демократияның жетекшісі және әлеуметтік әділеттіліктің қорғаушысы ретінде маңызды рөл атқара бермек», – деп атап өтті ҚРКФ басшысы.
ХЕҰ Еуропа және Орталық Азия секторының жетекшісі Сергеюс Гловацкас, өз кезегінде, дағдарыс кезеңінде де, дағдарыстан кейінгі салдарды еңсеруде де Қазақстан Кәсіподақтар федерациясы жұмысының оң нәтижелерін атап өтті. Ол Қазақстанның кәсіподақтарының Орталық Азияның басқа елдері үшін әлеуметтік әріптестермен диалог жүргізу және халықаралық ынтымақтастықты көрсету тәжірибесінің маңыздылығын ерекше атап өтті.
«Қазақстанның кәсіподақтары өз жұмыстарында үлкен жетістіктерге жетті. Біздің Кәсіподақтар федерациясымен ынтымақтастығымыз дамудың жаңа деңгейіне көтерілді. Басты мақсат – мемлекеттің жұмысшыларына қауіпсіз және лайықты еңбек жағдайларын қамтамасыз ету. Бұл бағытта үлкен міндеттер тұр», – деп атап өтті Сергеюс Гловацкас.
Сонымен қатар, ол жұмысшылардың мүдделерін қорғау бойынша нәтижелі жұмыстар жүргізудегі зерттеулердің маңыздылығын атап өтті.
Жобаның тұсаукесері барысында әзірлеушілер «COVID 19» дағдарыстық жағдайдан шығуда кәсіподақтардың әлеуетін күшейту бойынша ҚРКФ-ның орта мерзімді стратегиясын» бірлескен зерттеулердің негізгі міндеттері туралы айтты.
Ұлттық сарапшы Динара Айтжанова орта мерзімді Стратегияның бағыттарын анықтау үшін әзірлеушілер кәсіподақ ұйымдары тап болған сын-тегеуріндерді, соның ішінде, кәсіподақ ұйымдарының құрамының төмендеуі, бастауыш кәсіподақ ұйымдарының қызметіндегі шиеленістің көрінісі, карантиндік шараларға байланысты мәжбүрлі жабылу, онлайн форматқа көшу және т.б. қарастырды.
Кәсіподақтар федерациясының әлеуметтік әріптестік аясында іске асырылған дағдарысқа қарсы бастамалары да жария етілді.
ХЕҰ халықаралық сарапшысы Дорин Суручану кәсіподақтардың қалпына келтіру үдерісіне қатысуының маңыздылығын атап өтті. Сонымен бірге, ол жобаның стратегиялық міндеттеріне – кәсіподақтардың әлеуетін нығайтуға, кәсіподақ құрылымдарын шоғырландыруға, кәсіподақ активінің білім деңгейін көтеруге және әйелдер мен жастардың олардың еңбек нарығындағы рөлін арттыру үшін әлеуметтік әріптестіктің кәсіподақ құрылымдарындағы өкілдіктерін арттыруға назар аударды.
Сонымен қатар, әзірлеушілер дағдарыстық жағдайдан шығу үшін нақты іс-қимыл жоспарын құрды.
Орта мерзімді стратегияны әзірлеу бойынша кәсіподақ көшбасшылары тобының мүшесі Марина Иванова сарапшылар құрамының үйлестірілген және тиімді жұмысын атап өтті.
«Біздің жұмыс тобы қысқа уақыт ішінде жиналып, біртұтас жұмыс істейтін механизм ретінде тиімді жұмыс істей бастады. Біз барлығымыз «төтенше жағдай жарияланғаннан кейін ҚРКФ мүше ұйымдары абдырап, мемлекеттен көмек сұрамай және дағдарыстан шығудың толыққанды қатысушылары болуы тиіс» деген ұстанымды сақтадық. Біздің пандемияны жеңуге қосқан үлесіміз айтарлықтай және ол нақты мәнде анықталады – кәсіподақтар бетперделерді тікті, науқас жұмысшыларға қолдау көрсетті, дәрігерлерге көмекке ерікті болды және мұқтаждарға қаржылай қолдау көрсетті. Осы шаралардың барлығы Стратегия мазмұнында өзінің лайықты көрінісін тапты», – деді Марина Иванова.
Жобаны іске асыру бойынша бірқатар ұсыныстарды ХЕҰ Шығыс Еуропа және Орталық Азия бойынша бюросының еңбеккерлер қызметі жөніндегі бас маманы Гоча Александрия айтты.
Оның пікірінше, Стратегияның барлық міндеттері маңызды болып табылады. Сонымен бірге, ол пандемиялық дағдарыс кезінде осал болатын жұмысшылардың жекелеген санаттарын әлеуметтік қорғауға баса назар аударуға шақырды.
Олардың ішінде Гоча Александрия кіші медициналық қызметкерлерді, бейресми жұмыспен қамтылған азаматтарды, сондай-ақ әйелдер мен жастарды атап өтті.
«Стратегияда әйелдер мен жастардың құқықтары жеке көрсетілген. Әйелдер мен жас жұмысшылардың мүдделерін ілгерілетуде кәсіподақтың мақсаттарына үлкен назар аудару қажет. Кәсіподақ құрылымдарын нығайту үшін кәсіподақтар туралы ережелер мен жарғыларды еңбек нарығындағы шындыққа сәйкестендіру қажет», – деп толықтырды сарапшы.
Кездесу соңында ҚРКФ төрағасы Сатыбалды Дәулеталин Стратегия кәсіподақтарды жаңарту, елдегі кәсіподақтар қозғалысын шоғырландыру және дамыту бойынша ортақ ықыласты білдіретіндігін атап өтті.
«Жұмыспен қамтылғандардың басым бөлігін өз қатарына біріктіру арқылы Федерация әлеуметтік әділеттілікті ілгерілету және лайықты еңбек қағидаттарын іске асыру бойынша әлеуметтік әріптестік шеңберінде жұмыс істейтін болады. Бұл тұрғыда кәсіподақтар барлық қиыншылықтарға қарсы тұру және бұл шын мәнінде жұмысшыларды қорғайтын жалғыз ұйым екенін нақты фактілермен және іс-әрекеттермен дәлелдеу үшін ұйымдық тұрғыдан күшейтіледі», – деді ҚР Кәсіподақтар федерациясының төрағасы.
ҚР Кәсіподақтар федерациясының медиа орталығы