Бүгін, 11 ақпанда Ақмола, Қостанай және Солтүстік Қазақстан облыстарының кәсіподақ активінің қатысуымен онлайн оқыту семинары өтті.
Семинарды ашқан ҚРКФ төрағасының орынбасары Гүлнар Жұмагелдиева Кәсіподақтар федерациясы кәсіподақ кадрларының кәсіби деңгейін көтеру мәселелеріне ерекше көңіл бөлетінін атап өтті.
Ол өз сөзінде Кәсіподақтар федерациясының әлеуметтік әріптестік және әлеуметтік-еңбек қатынастарын реттеу жөніндегі республикалық үшжақты комиссия отырысында айтылған ұсыныстары туралы баяндады.
Бұл жерде еңбекақы төлеу жүйесін айқындау механизмдерін қайта қарау, ең төменгі жалақыны жыл сайынғы индекстеу нормасын заңнамалық реттеу, жұмыс беруші еңбекақы төлеу бойынша өз міндеттемелерін орындамаған жағдайда қызметкердің жұмысын тоқтата тұру құқығын қамтамасыз етуді қайта қарау қажеттілігі туралы айтылады.
«Кәсіподақтар федерациясы жұмысшылардың құқықтары мен мүдделерін қорғау бойынша жүйелі шаралар қабылдауды ұсынды. Бұл бастамалар қоғамның әділеттілікке деген сұранысын қанағаттандыруға, қызметкер мен жұмыс беруші арасындағы тежеу мен тепе-теңдік жүйесінің тиімділігін арттыруға септігін тигізеді», – деді Гүлнар Жұмагелдиева.
Семинардың оқыту бөлімін ҚРКФ Ұйымдастыру-бақылау жұмысы департаменті директорының орынбасары Ләззат Есжанова жалғастырды.
Ол қатысушыларға кәсіподақ қозғалысындағы көшбасшының рөлі туралы айтып берді.
«Кәсіподақ көшбасшысы – барлық кәсіподақ жұмысының тірегі. Әрине, ол – біліктілігі, парасаты, білімі кәсіподақтардың табысты жұмысының кепілі болатын адам», – деп атап өтті спикер.
Ләззат Есжанова өз сөзінде кәсіподақ көшбасшысының ең басты дағдылары мен біліктілігіне, қарым-қатынастағы ықпал етудің тиімді тетіктеріне және кәсіподақ қозғалысы көшбасшысының оң имиджін қалыптастыруға тоқталды.
«Кәсіподақ көшбасшысы жұмысының маңызды құрамдас бөлігі – адамдармен тіл табысуы, келіссөздер процесін құра білу. Осыған байланысты кәсіподақ қызметі кәсіби біліктілікті ұдайы жетілдіруге негізделуі керек», – деді Ләззат Есжанова.
Кәсіподақ жұмысындағы бірегей маңызды фактор жеке қасиеттер болып табылады.
Дәріскер еңбек өнімділігі де адамның шыдамдылығы, еңбексүйгіштігі, көпшілдігі мен табандылығы арқылы қол жеткізілетінін атап өтті.
Нақты мысалдар келтіре отырып, ол тұлғааралық қарым-қатынастың негізгі заңдылықтарын қолдану туралы айтты.
Тыңдаушылар ұйымдастырушыларға Қазақстан Республикасы Кәсіподақтар федерациясының білім беру жобаларына қатысу мүмкіндігі үшін алғыстарын білдірді.
Қатысушылар семинардың практикалық маңыздылығын атап өтіп, алған дағдыларын күнделікті жұмысында қолдануға ниеттерін білдірді.
Кәсіподақ активі үшін оқыту семинарлары тұрақты түрде өткізілетін болады.
#Әлеуметтікәріптестікжылы#Годсоциальногопартнерства #социальноепартнерство #әлеуметтікәріптестік
#равноесотрудничество #еңбекқатынастары