Қадірлі достар!
Сіздерді ерлік пен елдікті дәріптейтін 7 мамыр – Отан қорғаушылар күні мерекесімен шын жүректен құттықтаймын!
Бұл мереке – еліміздің қауіпсіздігі мен тыныштығын күзеткен, ерлік пен батылдықты ту еткен азаматтардың төл мерекесі. Отанды қорғау — қасиетті парыз, ал сол жолда қызмет ету — үлкен мәртебе. Сіздердің мықты рухтарыңыз бен қажырлы еңбектеріңіздің арқасында еліміздің іргесі берік, аспаны ашық.
Осы салада талай жыл қызмет етіп, бүгінде жас буынға үлгі болып жүрген ардагерлерімізге алғысымыз шексіз. Сіздердің тәжірибелеріңіз бен патриоттық сезімдеріңіз — біз үшін зор мақтаныш.
Бүгінгі таңда еліміздің тыныштығын сақтап, адал еңбек етіп жүрген барша ер азаматтар мен әскери қызметшілердің еңбегі ерен.
Сіздердің жауапкершіліктеріңіз бен төзімділіктеріңіз қоғамымыздың тұрақтылығын нығайтуда.
Осынау мерекелі күні сіздерге мықты денсаулық, отбасыларыңызға құт-береке және сарқылмас күш-жігер тілеймін!
Аспанымыз ашық, еліміз тыныш болсын!
Ізгі тілекпен,
ҚР Кәсіподақтар федерациясының
төрағасы С.Дәулеталин